影片
更多
2022-07-10
517 浏览
之前上网见到有唔少两𩠌饭店有卖埋龙虾🦞，呢日放假日头去完西九文化区，就谂住顺便帮衬喺附近嘅「一龙虾两𩠌王」。谂住凑热闹去买龙虾俾阿妈食，点知六点半去到已经售罄😢，大失所望。店员姐姐话龙虾每日限量供应嘛，五点几开始卖，好受欢迎，好快就卖晒，特别系假期。不过一场嚟度，阿妈又冇煮饭，所以都买几样𩠌返屋企食啦🥢🏡。姐姐好好人，装𩠌装得好满，一啲都唔孤寒。食物卖相吸引，而且多人买，流动率高，所以每款都新鲜整，唔系摆咗好耐𠮶种。梅菜炆腩肉，呢样超邪恶😈，猪腩肉大大件，肥膏位炆至入口即溶，瘦肉位亦唔会好嚡🐷。但有个别一两嚿就太肥，放弃咗。椒盐炸虾，🦐炸虾用椒盐爆香，带少少辣味，连壳食埋相当可口。啲虾应该几新鲜，因为有虾香同埋口感几弹牙。镇江骨，🍖一字排骨骨肉分明，镇江醋浓而不腻，酸酸甜甜，几正。我平日唔钟意噒骨，但呢个令我食唔停口，个汁捞饭亦都好味。豉汁炒蚬，🐚炒蚬大约有十几只，份量都算几多，而且啲蚬大只肥美，食咗咁多只都冇沙。豉汁几惹味，唔会太浓太咸。蜜汁薯仔鸡翼，蜜汁如果甜啲就好啦，🥔薯仔煎得够淋，虽然鸡翼唔大只🍗，不过就有五只补返数。小店好似仲有凉拌小食卖，因为见有雪柜，但就唔觉有写价钱🤔。总
之前上网见到有唔少两𩠌饭店有卖埋龙虾🦞，呢日放假日头去完西九文化区，就谂住顺便帮衬喺附近嘅「一龙虾两𩠌王」。
谂住凑热闹去买龙虾俾阿妈食，点知六点半去到已经售罄😢，大失所望。店员姐姐话龙虾每日限量供应嘛，五点几开始卖，好受欢迎，好快就卖晒，特别系假期。
不过一场嚟度，阿妈又冇煮饭，所以都买几样𩠌返屋企食啦🥢🏡。姐姐好好人，装𩠌装得好满，一啲都唔孤寒。食物卖相吸引，而且多人买，流动率高，所以每款都新鲜整，唔系摆咗好耐𠮶种。
梅菜炆腩肉，呢样超邪恶😈，猪腩肉大大件，肥膏位炆至入口即溶，瘦肉位亦唔会好嚡🐷。但有个别一两嚿就太肥，放弃咗。
椒盐炸虾，🦐炸虾用椒盐爆香，带少少辣味，连壳食埋相当可口。啲虾应该几新鲜，因为有虾香同埋口感几弹牙。
镇江骨，🍖一字排骨骨肉分明，镇江醋浓而不腻，酸酸甜甜，几正。我平日唔钟意噒骨，但呢个令我食唔停口，个汁捞饭亦都好味。
豉汁炒蚬，🐚炒蚬大约有十几只，份量都算几多，而且啲蚬大只肥美，食咗咁多只都冇沙。豉汁几惹味，唔会太浓太咸。
蜜汁薯仔鸡翼，蜜汁如果甜啲就好啦，🥔薯仔煎得够淋，虽然鸡翼唔大只🍗，不过就有五只补返数。
小店好似仲有凉拌小食卖，因为见有雪柜，但就唔觉有写价钱🤔。
总括嚟讲，虽然食唔到招牌龙虾，但幸好其他几款𩠌都好味道，就连呀妈都赞👍。两𩠌大大份，价钱又唔贵，难怪街坊大排长龙。
张贴
