小娘惹 (已結業)

早前喺杂志睇到介绍，话公司附近开咗间小店「小娘惹 Little Nyonya」🦐 仲讲到佢啲「喇沙」系全港头五位咁犀利... 咁巴闭我哋梗系要去朝圣啦！今日比平时晏咗啲出门口食lunch，去到前一条巷，已经见「小娘惹」门口排满人，仲以为今日无得食😪点知佢哋围住原来喺度「打边炉」🤨 Huh!排除万难小秘书终于入到餐厅，地方细细，客人多多... 正宗鲗鱼涌特色，我哋喺附近做嘢嘅一班打工仔都惯哂喇😏 餐厅装饰都几别致，不过人头太多，想影张相比大家望吓都唔系咁方便... 唯有拎个餐牌望睇吓有咩食📕 估唔到餐厅细，就连餐牌上嘅字都咁细👀 既然公认推介嘅系「喇沙」，我就跟大队叫咗碗「招牌娘惹海虾喇沙」试吓啦🦐🦐🦐。 等咗大概五分钟，「喇沙」嚟到🍜 第一眼望见就系三只红卜卜嘅中虾，其余嘅仲有鱼片、半只烚蛋同三只蛳蚶。其实食「喇沙」我比较注重个汤底🍜 「小娘惹」呢层做得非常唔错，椰汁味浓、加埋马来独特嘅咖哩风味，我一啖又一啖咁饮咗差唔多半碗汤都唔觉得口渴🍯 起码我无动机将佢送果杯淡到似水嘅罗汉果茶放入口吖🤣