尚品百好冰室

营业中

休息中

今朝咁啱要陪朋友喺西湾河买嘢，唔系成日嚟呢头。买完嘢，朋友同我想揾个地方坐低倾倾偈，途经呢一间冰室就入去试吓。通常去冰室，我都会叫我最喜欢嘅奶酱多。喺冇乜期望底下，嚟到嘅奶酱多啲奶酱酱爆咁样涌出嚟，好惊喜好开心！食落去松松软软热热咁。但杯热朱古力奶就一啲都唔好味，好似水咁。朋友就叫咗咸牛肉三文治，但朋友嘅评语就咸牛肉冇乜味。冰室环境干净舒适，星期六早上唔系话太多人。所以，同朋友倾吓偈、三五知己聚埋一齐，都系一个几好嘅环境。