呦呦鹿鳴布丁燒

营业中

休息中

葵广有好多小食，呢间呦呦鹿鸣系少有地好清新嘅甜品店。佢有好多款唔同口味嘅布丁烧，见到佢写住独创口味，就试咗佢嘅铁观音布丁烧。本身见佢布丁上面嘅logo都几靓，谂住影相打卡，点知佢摆喺碟度嘅时候系掉转cup落去嘅，所以就冇影到相。亦都因为呢个原因，我哋系食咗佢底部嘅𠮶层芝士蛋糕先，蛋糕非常之软滑，有好香嘅芝士咸味，食食吓就食到佢中间𠮶层布丁，真系好香铁观音茶味，超级绵滑，配埋焦糖真系好好食。希望下次可以试吓其他茶味啦。