QUE (MOKO新世紀廣場)

营业中

休息中

最近钟意咗食QUE，佢系一间主打食日式西餐嘅餐厅，简约嘅日式装修令人眼前一亮，感觉清洁又舒适，佢哋二人餐包括有餐汤/沙律、小食、主食、寿司塔可、甜品同饮品，丰富又抵食。是日餐汤系南瓜汤，绵密嘅口感，南瓜味道浓郁。小食脆炸单骨鸡翼配辛子明太子酱鸡翼皮炸得好脆，估唔到份量都算几多，单骨方便食用，趁热食非常香口，点埋辛子明太子酱口味一流。软壳蟹寿司塔可fusion菜式，将日本寿司同墨西哥taco结合，再用脆口嘅紫菜包住馅，馅料丰富。香脆软壳蟹、牛油果、沙律菜同寿司饭，有创意又好味。鳗鱼玉子寿司塔可用咗丰富嘅松叶蟹海胆酱制作，仲食到蟹肉、蟹柳、蟹籽，口感层次丰富，松叶蟹味增甲罗烧意大利饭配海胆忌廉酱 摆盘好靓，份量比想像多，上面铺咗甲罗烧，有劲多蟹膏再捞埋蟹肉同蟹籽，食落口感十分creamy.食埋甜品就完美啦，我哋拣咗京都宇治抹茶提拉米苏盒子配 糖渍红豆，抹茶味好突出，口感湿润，食落底系饱满嘅红豆粒粒，好好味。