椰粉湯紅 (已結業)

又到晚饭时间，经开湾仔，原本谂住试下椰粉汤红好出名嘅椰皇炖汤系列，但估唔到咁受欢迎，未7点钟已经卖哂，只好叫其他野食返去食啦。椰香海南鸡椰香饭套餐套餐包括咗椰香海南鸡、椰香饭、食疗拿杯汤同蔬菜。椰香海南鸡鲜香嫩滑，海南鸡汁酱非常出色。椰香饭够哂特别，淡淡嘅椰香味。整个套餐嘅海南鸡同椰香饭，食过后都令人再三回味。是日食疗拿杯汤系粉葛赤小豆茨实煲猪展汤。杯汤尽是老火汤嘅味道，非常之好饮。而餐厅为咗可以令大家好似拎住杯咖啡咁饮汤，整杯汤都系零汤渣。对于唔中意汤渣嘅朋友，应该会非常喜欢。日式胡麻酱手撕鸡冷面天口咁热、所以我另外再点咗日式胡麻酱手撕鸡冷面。手撕鸡、蔬菜同面嘅比例好平衡，唔错，配埋惹味嘅胡麻酱，真系停唔到口。依个冷面，再配埋佢哋自家煲嘅饮品-热情丰盛，一杯由热情果，杞子同青柠调配而成嘅饮料，味道相当之咁夹。最可惜嘅系饮得心急得济，唔记得咗影低同大家分享。