Wheatfield X 羅宋湯專門店 (MOKO新世紀廣場) (已結業)

之前行MOKO时，见到围哂板装修中，准备开罗宋汤转门店，果阵已经好期待。今日再行MOKO，已经见到开张咗，当然要入去帮衬啦。厨师推介套餐 $88我选择咗海派牛腩罗宋汤、香煎薄牛扒脆猪仔包、再+$3 要咗杯冻柠茶。罗宋汤好足料、牛腩又好多。罗宋汤味道超好，餐牌虽然有一只辣椒提示，但一啲面唔会觉得辣。香煎薄牛扒脆猪仔包，脆猪仔包好厚身，一口都咬唔哂。薄牛扒煎到好香、牛扒都好有牛肉味，又够腍又无根，非常之正。令我突然间好挂住澳门添。全日自选配搭汤面套餐 $82我选择咗海派猪髀肉罗宋汤、上海面、麻辣鸡柳丝，再要咗杯热柠茶。猪髀肉罗宋汤同牛腩罗宋汤味道上有分别。猪髀肉罗宋汤食得出肉味无咁强烈，适合淡口味人仕。猪髀肉好大块，而且数量都几多。上海面葱油味好香好正，但要自己花少少时间捞混。上海面配搭埋麻辣鸡柳丝，辣味与上海面非常配搭，令整体变得更加惹味。