影片
更多
2022-05-25
1173 浏览
听讲要打无数次嘅电话先可以预约到，不过可能因为疫情关系，比较少咗人食，所以好好彩咁好快可以预约到。满心欢喜咁同女朋友去食，果然冇令到我哋失望。一入去侍应嘅服务态度非常之好，环境都好靓。至于餐牌方面，佢就得两个set拣。因为第一次试，所以就拣咗$680个set。set入边就有四块唔同部位嘅日本近江牛牛肉，除此之外我哋仲加咗$100要咗一份牛舌。不过挂住食嘅关系牛舌就冇影到相落完order之后，由前菜开始每一道菜上菜佢哋都会简单咁介绍，等食客知道食物嘅烹调方法同特色，非常有心思。前菜有两道，第一道系类似植物，已经记唔记得侍应嘅介绍，所有食材都非常新鲜，酱汁都非常美味。第二个前茶就系樱花虾蒸蛋，口感都非常丰富，佢仲加咗少少姜蓉落去，令到食起上嚟味道非常丰富到主角Sukiyaki出场，师傅仲会即场喺你面前烹调，视觉同味觉都有双重享受，一路睇住师傅煮就好似一路睇紧表演咁。所有食材都系来自日本非常新鲜，至于白饭超好食，仲可以任装。虽然份量睇落好少，如果系食肉兽嘅话就未必足够。但系贵精不贵多，加上食起上嚟份量比想像中多，所以对于一般唔系特别大食嘅朋友嚟讲已经好足够。烹调嘅酱汁系正宗嘅Sukiyaki
听讲要打无数次嘅电话先可以预约到，
不过可能因为疫情关系，比较少咗人食，
所以好好彩咁好快可以预约到。
满心欢喜咁同女朋友去食，果然冇令到我哋失望。
一入去侍应嘅服务态度非常之好，环境都好靓。
至于餐牌方面，佢就得两个set拣。
因为第一次试，所以就拣咗$680个set。
set入边就有四块唔同部位嘅日本近江牛牛肉，
除此之外我哋仲加咗$100要咗一份牛舌。
不过挂住食嘅关系牛舌就冇影到相
落完order之后，由前菜开始每一道菜上菜佢哋都会简单咁介绍，等食客知道食物嘅烹调方法同特色，非常有心思。
前菜有两道，第一道系类似植物，已经记唔记得侍应嘅介绍，所有食材都非常新鲜，酱汁都非常美味。
第二个前茶就系樱花虾蒸蛋，口感都非常丰富，佢仲加咗少少姜蓉落去，令到食起上嚟味道非常丰富
到主角Sukiyaki出场，师傅仲会即场喺你面前烹调，视觉同味觉都有双重享受，一路睇住师傅煮就好似一路睇紧表演咁。
所有食材都系来自日本非常新鲜，至于白饭超好食，仲可以任装。虽然份量睇落好少，如果系食肉兽嘅话就未必足够。但系贵精不贵多，加上食起上嚟份量比想像中多，所以对于一般唔系特别大食嘅朋友嚟讲已经好足够。
烹调嘅酱汁系正宗嘅Sukiyaki嘅味道，不过可能我本身食开味道偏淡嘅嘢食嘅关系，我会觉得佢嘅酱汁会有啲浓，不过完全妨碍唔到佢嘅美味。
至于牛肉方面，完全系符合佢价钱嘅质素，非常嫩滑。
食晒牛肉之后，师傅会即场烹调一碗滑蛋牛肉饭，另外总会上埋面豉汤，同埋一道腌制嘅菜。不过依三样嘢嘅味道都冇咩特别。
食完主菜之后仲会有甜品，甜品系一个芒果
牛奶奶冻同一旧蕨饼，牛奶味超浓，完全比得上甜品舖嘅质素，至于蕨饼就冇咩特别。
虽然book枱𠮶阵用餐时间会预留两个钟，但系大约一个钟头左右就已经可以完成晒成餐晚饭。整体价钱都偏贵。不过食物质素非常好，值得一试。
张贴
