影片
更多
2008-11-30
1 浏览
最近既下班时间，都坐系图书馆温书，都坐左好几日了，坐到每一晚走既时候，都唔知食咩好。 今晚右耳过黎揾我食 dinner，温完书好累好累既我，实在谂唔去到边度食好，我既味蕾，好似同我既肢体一样，得返个驱壳，好似咩都提唔起我既食欲咁。突然记起，之前经过呢间舖头，见到好多日本人去食，我谂应该几好味 or 几日本风味喇，所以点都过黎试一试先。要知道小妹其实好憎等位既，去到门口见到咁多人排队，又无得拎飞，真系有少少燥底。好彩 ~ 都唔系等左好耐，大概半个钟左右就有位。睇个 menu，成 50 几、60 蚊一碗，都唔平㖞﹗(心谂系咪真系咁好食先？) 我叫左个北海道粟米牛油拉面，配以酱油鱼汤底 (酱油汤底有肉汤 & 鱼汤拣，不过唔知分别系边)，听讲拉面加牛油会好食 D、滑 D，唔知呢﹗碗面黎到，见到个汤底咁清，不禁要影下相先。食之前，第一件事，呷一啖汤底。 哗﹗真系好正呀﹗真系同大众化既味精拉面好唔同呀，再食下佢既拉面先，哗﹗哗﹗哗﹗好好味，好弹呀﹗我真系未食过咁既拉面嫁﹗(好大乡里 FEEL ~ ) 右耳果个系面豉汤底既叉烧拉面，问右耳偷左啖汤黎饮下，都好好味呀﹗仲有叫左个听闻几好食既炸
今晚右耳过黎揾我食 dinner，温完书好累好累既我，实在谂唔去到边度食好，我既味蕾，好似同我既肢体一样，得返个驱壳，好似咩都提唔起我既食欲咁。突然记起，之前经过呢间舖头，见到好多日本人去食，我谂应该几好味 or 几日本风味喇，所以点都过黎试一试先。
要知道小妹其实好憎等位既，去到门口见到咁多人排队，又无得拎飞，真系有少少燥底。好彩 ~ 都唔系等左好耐，大概半个钟左右就有位。睇个 menu，成 50 几、60 蚊一碗，都唔平㖞﹗(心谂系咪真系咁好食先？)
我叫左个北海道粟米牛油拉面，配以酱油鱼汤底 (酱油汤底有肉汤 & 鱼汤拣，不过唔知分别系边)，听讲拉面加牛油会好食 D、滑 D，唔知呢﹗碗面黎到，见到个汤底咁清，不禁要影下相先。食之前，第一件事，呷一啖汤底。 哗﹗真系好正呀﹗真系同大众化既味精拉面好唔同呀，再食下佢既拉面先，哗﹗哗﹗哗﹗好好味，好弹呀﹗我真系未食过咁既拉面嫁﹗(好大乡里 FEEL ~ ) 右耳果个系面豉汤底既叉烧拉面，问右耳偷左啖汤黎饮下，都好好味呀﹗
仲有叫左个听闻几好食既炸薯饼，不过由于好心急想试味既关系，食之前唔记得影相，惟有好核突咁，食左几啖，放返落去影过。一碟两个薯饼有 2 款酱汁系上面，分别系茄汁 & 日式酱油，我觉得酱油味好食 D，OR 点佢伴碟果只沙律酱都正﹗
系人都知，小妹一向系唔食青豆 & 葱的，不过呢度个汤实在太好味喇，唔知加左 D 咩，还是系佢地既葱唔同品种呢？成碟汤面里，我真系一粒葱都唔放过。仲有炸薯饼内既青豆，平时我一定挑返出黎嫁﹗不过真系唔知点解，呢个薯饼食落去，系完全感觉唔到平时青豆果种怪味，净系 FEEL 到内里既薯蓉好正呀﹗
或者一个人累既时候，咩都觉得份外好食，不过我真系觉得呢间拉面馆，好值得我推介俾其他朋友呢。
张贴
