翡翠拉麵小籠包 (已結業)

屋企人钟意食上海菜，钟意上海菜平较清淡，无咁热气。今次黎叫左一个排骨拉面，同屋企人share左一笼小笼包。铺头既招牌之一拉面系手打手拉既，肉眼都可见每一条面系有粗有幼。手拉令铺头既拉面比一般中式面硬身同有口感。虽然汤底系比较清淡，但系加上少少葱花，加埋拉面成个搭配好好味。排骨炸得恰到好处，外面香脆之余，入边个既肉质唔会老，而且keep到啲肉汁系入边，食落去唔会干身。铺头既另一个招牌小笼包亦唔会令人失望。皮簿之余，馅料既口感好细嫩，虽然系猪肉为主既馅料，但系都唔会有腻既感觉。再加上包入面灌满汤，一口食落去，小笼包既馅加埋好有鲜味既汤系口腔一面混和，非常美味。