影片
更多
2016-01-14
1232 浏览
つけめん TETSU 香港店虽然我系麻麻地拉面，不过呢就越来越钟意沾面。呢一晚要赶时间，所以去咗呢间沾面店，好彩够早唔洗排队，仲可以比我坐低等人。不过过咗一阵出面就有人龙噜。我都几钟意呢间嘅沾面，钟意佢啲面够粗，好烟靭，好有咬口。原味个汤都非常之浓郁， 不过就有啲过咸，就咁点面就ok嘅，不过就咁饮啲汤，就真系有啲咸，虽然佢教你食晒啲面之后加鲣鱼汤先至饮，不过我加咗多好多汤都仍然觉得佢好咸。我都好钟意佢哋嘅叉烧，佢哋嘅叉烧系厚切一条条嘅，最重要就系瘦叉烧！放心都有少少肥，叉烧好淋好好食，又唔肥，非常钟意。我仲加咗一只溏心蛋，真系好好味呀！个糖心仲好晶莹，我觉得你得呢度食一定要加，唔加你系会后悔的！呢度仲有另一gimmick 就系热石，因为碗汤都几快冻，呢个时候你就可以叫一旧热石放落个汤度， 真系好热，一放落去石边啲汤会即刻滚，成碗汤会暖咗。你可以系碗面食到一半嘅时候加，或者食晒之后加，再加鲣鱼汤，咁就可以饮碗热汤。我个人比较钟意饮冇咁热嘅汤，所以食咗一半就加。呢度仲有另一样好，就系同等嘅价钱，系可以选择200g 面或者300g， 果日特别肚饿嘅你就可以食多啲啦。放心一份200g嘅面系够饱
虽然我系麻麻地拉面，不过呢就越来越钟意沾面。
呢一晚要赶时间，所以去咗呢间沾面店，好彩够早唔洗排队，仲可以比我坐低等人。不过过咗一阵出面就有人龙噜。
我都几钟意呢间嘅沾面，钟意佢啲面够粗，好烟靭，好有咬口。
原味个汤都非常之浓郁， 不过就有啲过咸，就咁点面就ok嘅，不过就咁饮啲汤，就真系有啲咸，虽然佢教你食晒啲面之后加鲣鱼汤先至饮，不过我加咗多好多汤都仍然觉得佢好咸。
我都好钟意佢哋嘅叉烧，佢哋嘅叉烧系厚切一条条嘅，最重要就系瘦叉烧！放心都有少少肥，叉烧好淋好好食，又唔肥，非常钟意。
我仲加咗一只溏心蛋，真系好好味呀！个糖心仲好晶莹，我觉得你得呢度食一定要加，唔加你系会后悔的！
呢度仲有另一gimmick 就系热石，因为碗汤都几快冻，呢个时候你就可以叫一旧热石放落个汤度， 真系好热，一放落去石边啲汤会即刻滚，成碗汤会暖咗。你可以系碗面食到一半嘅时候加，或者食晒之后加，再加鲣鱼汤，咁就可以饮碗热汤。我个人比较钟意饮冇咁热嘅汤，所以食咗一半就加。
呢度仲有另一样好，就系同等嘅价钱，系可以选择200g 面或者300g， 果日特别肚饿嘅你就可以食多啲啦。放心一份200g嘅面系够饱嘅，无必要就唔好浪费食物啦。
张贴
