毓民私房牛肉麵 (已結業)

条街其实真系有好多选择,食店林立,真系都唔知食边间好!边间都好啦,都要拣一间,帮衬既系毓民私房牛肉面,食碗面应该啱啱够,同小黑两个人,一人一碗,再加左个鸡丝蛋饼同一碟油菜个牛肉面到了,首先温度方面,都够热,汤味道几够,有牛骨味,牛肉系牛展,够淋,味道唔错,钟意食佢地既红萝卜,煮到好淋,而且好够味,萝卜吸收哂牛肉汤既味道,食落十分滋味!鸡丝蛋饼好大碟,好多小件,我同小黑结果食唔哂,感觉上好似干身一点,又系有点"啃"既感觉,不过味道其实唔错,鸡蛋味好重,配合埋火腿味道好衬!只系个皮太干,如果有一些甜味既酱汁衬托会更加好呀!