三清洞摩西 (已結業)

近排成日见到人地推介三清洞摩西，睇相都几吸引。今日一于约埋个老友黎试试。呢间餐厅位置都几方便，就系美珍香后面条街。放工黎到大约七点钟左右，时间尚早，唔洗等位。座位都几阔落，坐得好舒服；店员小妹妹好热心介绍每一款锅物，值得一赞！三清洞摩西最出名系食年糕火锅，一共有五款火锅可以简，每款都几吸引 最后我地简左海鲜，同埋烤肉! 其实初初我地以为系分开两个锅既，不过店员解释其实两个锅系会倒埋一齐，所以简火锅既时候唔洗咁苦恼，加反D 无简到既配料就得喇!等左十分钟左右，个火锅就到左喇。份量大到哗左一声，上面落左好多芝士条  非常邪恶!汤底辣度适中，过瘾得黎唔会太辣口；因为加左好多芝士条既关系，所以汤底偏洁，啖啖芝士丝!!锅面我地简左拉面同埋韩式粉丝，个人认为拉面比较衬呢个汤底，面条几有弹性，好好味; 建议粉丝同拉面可以先捞起，以免发胀! 其实食完呢个大锅已经爆到上心口，忘记左自己叫左芝士炒饭… 黎到既时候，真系 好彩饭系薄薄一层，都食得落。讲反个饭，上面有紫菜，粟米粒，芝士。芝士又系多到可以拉丝，个饭落左d 酱汁一齐炒，微微既酸酸甜甜，加埋d 紫菜既reaction，好好味呀！！总括而言，