三多 (已結業)

日期：9月1日人数：3人三多已经开咗好多年，亦都有唔少分店。几年前有一排我都经常帮衬旺角𠮶间，卤水鸡髀同埋香辣肉碎炒肠粉都好好食，但后来好少去了。两个礼拜前周末，带我屋企人去试吓。由于大埔总站未开门，所以改去太和呢间分店。位置有啲偏僻，要行一行先揾到。三个人叫咗一只炸鸡髀，一只卤水鸡髀，一份小食拼盘，同埋一杯爆柠（柠檬茶加爆珠）。炸鸡髀同卤水鸡髀都好好食，鸡髀大大只，其中炸鸡髀好脆口，里面鸡肉好滑。卤水鸡髀就好入味。食鸡髀𠮶阵都有食埋鸡皮嘅冲动，但最后自己理智制止咗，只系食咗少少。鸡髀系可以配饭、意粉、或者薯菜，但我哋唔肚饿，所以冇加到。小食拼盘入面，最好食都系炸鱼旦，其他都系正常水准。爆柠够晒冻，透心凉。店内环境一般，卫生环境正常。餐厅入面有洗手间，算几好。堂食设有最低消费，每位$29，即系每人最少食一只鸡髀。