李圓圓 (億利工業中心)

营业中

休息中

系少女都系钟意饮台式饮品架啦，好明显我仲系少女啦。李圆圆台式饮品系以黑糖珍珠鲜奶起家，呢度黑糖珍珠鲜奶真系好好味。食材例如黑糖、珍珠、冬瓜砖等都系台湾直送。呢度啲珍珠会熬制两个钟，粒粒好烟韧Q弹，成个制作过程仲系公开透明，饮得安心。咁好味，同朋友经过一人叫一杯饮啦。朋友叫黑糖珍珠鲜奶2.0，我就试下有冬瓜味既黑糖珍珠冬瓜鲜奶2.0，加左冬瓜茶既味道，口感更丰富，原来咁夹。2.0原来系鲜奶增量左30%，更香奶味。店里面有教，最正确既饮法系用饮管轻轻搅拌五到六圈就饮得，因为摇得太劲，暖暖既珍珠就遇冰就会慢慢变硬，影响口感。见佢左啲豆花饮品，下次试下先。