老鍋台式火鍋 (金馬倫道) (已結業)

平时食四川麻辣火锅就多，今次同男朋友食下台式麻辣火锅。台式麻辣火锅汤底比较清，比起四川麻辣火锅无咁油腻。而且锅内本身已有鸭血、冻豆腐，一上锅已经有野食。😋开头食时觉得好淡，无乜辣味，谂住下次都系食返四川麻辣火锅，点知个锅愈煲愈辣😂涮锅小羊肉片肥瘦分布得好平均，食落一d都唔骚。向铃卷好大条，尽吸火锅既麻辣汤味，必点！😍老锅丸饺井字盘有虾丸、鱼肉小汤包、鲜虾云吞、鱼皮饺各2粒，两个人食岩岩好。唐生菜本身同男朋友谂住台式麻辣火锅无咁油腻，可以叫个菜一试，但因为我地去到最尾声先放d菜落去，所以索哂个辣味。今日乖乖地叫返个菊花蜜润一润口，但一上枱男朋友已经打泻左，差啲搞到人地个炉著唔到😫😫😫最后都系忍唔住叫多杯啤酒。