旦哥火鍋 (已結業)

今日lunch 上咗去旦哥火锅度食，不过唔系食火锅。哈哈，俾楼下派传单的哥仔讲到个牛三宝咁得，决定试一次。下午12:30入到去， 只有两枱客，唔多人，可能楼上舖的关系。我就点左清汤牛三宝米同一杯竹庶茅根水。哗！好大碗面，D牛三宝多到遮住哂D米粉咁济，好开心😃。牛三宝有我的至爱牛肚，牛筋用牛腩，全部都好入味。牛筋好食，牛肚好爽，牛腩好淋，汤底又够味，加少少辣椒油，真系好鬼正丫！唔单止个牛三宝得，杯竹庶茅根水都系真材实料，冇沟水，唔太甜，啱哂呢个炎炎夏日饮！