Pan House (已結業)

今日同朋友行过呢间店舖,见佢\\\细细间,但又传出阵阵香味,一时食指大动..就买咗条热狗同纯牛肉芝士汉堡包试一试佢\\\啦!热狗系先放入酱料同酱汁先,再放入煎一煎的热狗肠上去,咁样d酱汁就唔会流到周围都系,算系体贴! 热狗肠好好味,大大条,有些少芝士味,加埋自选酱汁,正!纯牛肉芝士汉堡包,一打开大大个,牛肉系店主自制的,不是像出面的买现成,所以十分足料,厚厚的,再配合芝士同酱汁同埋其他的生菜丝等等的配料,感觉不会太腻,又系好好味!饮品超过三十款,我在选择食品同饮品的时候,由于依依哦哦讲咗好耐都讲唔出,耐咗少少,但店主都无不满,值得一赞!!店铺细细间,无坐位,只做外卖或者买完即刻一路行一路食,但系铺头干干净净,亦将食品好好包好,仲有埋几款午餐\\\配答(意粉都有呀),全部食品都系即叫即做,要等一阵,但见到系新鲜即做,等下都ok,店主服务细心!下次会再去!