新東江大飯店 (已結業)

唔知点解心血来潮好想食正宗的盐焗鸡, o系新九龙广场放工, 一路行去旺角地铁站一路谂, 在未到新东江饭店之前附近有间客家栈, 谂住去睇下吸唔吸引先, d鸡挂晒出黎干净净, 一点都唔吸引, 唯有继续行啦, 过左一条马路就见到好大个招牌新东江大饭店, 好多相仲有写住正宗招牌盐焗鸡(写住类似话选用农场活鸡)o既字句, 心谂咁都被我揾到.....正。其实谂住上黎openrice睇下有咩食评先, 点知系无人写过架, 想一想一定系多数都系老一辈o既人去食, 佢地点会上黎写食评呢。所以决定一试, $85半只鸡......好食就抵.....唔好食都系$85 o者。最后，搭扶手梯上到去，旧式饭店的模样，即刻有人招呼㖞，我话有无外卖，即刻介绍好多平价饭盒俾我，全日外卖价都系$27一盒，真的超抵食，跟住我就点了我最爱的盐焗鸡外卖。等左一阵，收银个姐姐就同我讲好快就有o架喇，下次如果想叫外卖可以打电话落黎order左先，咁就唔使等，服务真系一流，下次等我试下堂食小菜先，有成80款，款款都系$48，不过唔知份量有多少，但系个人认为点都要试下先心熄啦，只盐焗鸡都咁好味.......