影片
更多
2008-10-21
38 浏览
寻晚同一个识咗十几年嘅姊妹补祝生日食晚饭....其实上个礼拜都已经谂定去Jordon食串烧，点知今日打去订位先知间嘢呢期逢星期一休息，所以就改变主意去三木食韩国嘢。大概七点左右去到，仲有好多位，带位小姐俾咗张卡位枱我哋，好寛膛，而且餐厅装修都好新净整洁，灯光柔和，感觉都几舒服。餐牌种类都好多，因为姊妹唔想食烧烤，所以是晚就点咗如下𩠌菜:1. 韩式生牛肉 - 牛肉鲜甜配上清甜无比雪梨丝同新鲜生蒜，简直天衣无缝，而且全晚碟𩠌都冇出水，唔知点先可以有咁嘅效果呢。2. 炆牛肋骨 - 个汁又香又浓，尤其个炆到入晒味嘅萝卜同红萝卜真系冇得顶，主角牛肋骨更加不在话下，又淋又入味，但牛味依然香浓，不过略嫌太大旧。3. 八爪鱼脚面 - 呢个系成晚最精彩嘅一味，浓浓韩式辣酱，大量洋葱同鸡脾菇片，配上烟靭弹牙嘅拉面，仲有一啲都唔靭同好新鲜嘅八爪鱼苏段，简直不能用笔墨形容，只系知道食到我同姊妹都食到舐舐脷同唔停得口，真系二十级好味...当中梗系唔少得嘅八小碟啦，一贯水准，不过个泡菜好似酸得泄，姊妹话因为唔新鲜㖞，其他都OK啦。我哋另外再叫咗一支盆X子酒，好似系用一种叫红盆子嘅红梅酿制，都几好饮，颜色红红的，好
餐牌种类都好多，因为姊妹唔想食烧烤，所以是晚就点咗如下𩠌菜:
1. 韩式生牛肉 - 牛肉鲜甜配上清甜无比雪梨丝同新鲜生蒜，简直天衣无缝，而且全晚碟𩠌都冇出水，唔知点先可以有咁嘅效果呢。
2. 炆牛肋骨 - 个汁又香又浓，尤其个炆到入晒味嘅萝卜同红萝卜真系冇得顶，主角牛肋骨更加不在话下，又淋又入味，但牛味依然香浓，不过略嫌太大旧。
3. 八爪鱼脚面 - 呢个系成晚最精彩嘅一味，浓浓韩式辣酱，大量洋葱同鸡脾菇片，配上烟靭弹牙嘅拉面，仲有一啲都唔靭同好新鲜嘅八爪鱼苏段，简直不能用笔墨形容，只系知道食到我同姊妹都食到舐舐脷同唔停得口，真系二十级好味...
当中梗系唔少得嘅八小碟啦，一贯水准，不过个泡菜好似酸得泄，姊妹话因为唔新鲜㖞，其他都OK啦。
我哋另外再叫咗一支盆X子酒，好似系用一种叫红盆子嘅红梅酿制，都几好饮，颜色红红的，好靓，尤其啱女仔饮，因为都真系好甜吓，我个人比较唔好甜，所以再叫多一支柠檬沟真露，呢个啱晒我口味，酸酸哋好开胃。
而服务方面就不过不失啦，冇热诚嘅招待，好似冇 人理你咁啰，未至于差嘅~~~
张贴
