Eggcellent 852

营业中

休息中

元朗都算系鸡蛋仔嘅福地，同一个位附近有三间好味嘅鸡蛋仔。今日食埋呢间总算食过晒呢三间：妈咪鸡蛋仔、嘉发同呢间。今日呢间叫咗两味，一咸一甜。一个猪柳蛋鸡蛋仔，另一个开心果夹饼。先讲猪柳鸡蛋仔：佢个鸡蛋仔皮香脆唔会太甜，唔会好似食mcgrxxx咁太甜衬咸好奇怪。佢呢个鸡蛋仔皮嘅味道啱啱好够热够脆。跟住个猪柳蛋好香。猪柳好有黑椒味个味几出，蛋都多，馅料丰富食落好满足🥰😋跟住到个开心果夹饼：劲多开心果粒，唔会好似其他食过的酱多开心果粒唔够，会太甜，个味唔够真实。呢个系好原味，食开心果加埋个皮又有蛋香，一样系外脆内软又够热，口感一流😍😋中间佢仲俾咗啲蛋卷试食系抹茶味，其实好食好松化，可惜太贵。我唔会用接近$200买一盒蛋卷啰，佢平返$50-$80应该销路多好多。 就算买得一次都唔会买第二次，咁贵真系要谂过先买，但系价钱平返啲啲会一路继续买。希望店主睇到知道，唔好嘥咗咁有心机出产嘅自家制蛋卷。薄利多销才是策略，做起个咗个名再大展拳脚！