Forever 友緣西餐 (已結業)

又去西菁街找食,大约两点,条街又晒又焗,来到缘西餐望下menu,呢个员工优惠几好,虽然我地唔属于其中13间的公司员工,但觉得老板想法很好。见几台食完走,咁我地就试下喇,有窗边卡位呀~~今日天气虽然又热又焗,但系室内望住蓝天白云brunch是多么舒服的呢！坐低后就有杯welcome drink,哗～无讲错老板真系留得食客心～咁贴心既,葡萄柚乳酸汁,酸酸甜甜,醒神又开胃！我地起身的第一餐,只想食肉瘦/秀/兽,点左羊扒同肉眼扒跟餐冻柠茶茶底够浓又唔苦涩餐汤超浓南瓜蓉,份量岩岩好,再大碗d就食唔哂个主菜了～焗到热辣辣既牛角包,酥皮层次分明,口感松软,但又唔会食到周围包碎,香浓牛油味但唔会食到成口好油,出色!!香草肉汁烧纽西兰羊扒$118,5成熟,外层带微焦,内嫩滑呈粉红色,第一次食肉汁烧既羊扒,整体较juicy~一点也不韧！配菜薯蓉,蕃茄,西兰花一样美味,欣赏西兰花用上汤煮够入味,唔系白烚!!8安士美国顶级安格斯肉眼扒$128,5成熟,没有雪藏味,薄身,腌得很入味,牛排煎得很香亦很重牛肉味,不是普通雪藏牛排。