金泰屋

营业中

休息中

今日同事同我FAREWELL，去左公司附近既泰国餐厅食晚饭。好耐无试过系露天茶座食嘢，好好FEEL，仲有流行曲播放。睇到饮品有龙眼冰(热/冻)，由于贪玩，就叫左一杯热既黎饮，仲问职员点解我杯龙眼冰无冰。可能饮惯冻，热饮好似糖水，同埋好细杯。其他叫左泰啤，买三送一。前菜叫左炸虾饼、猪颈肉同蒜蓉包，炸饼热腾腾，好正，内软外脆；猪颈肉正常啦；蒜蓉包好足料，好好味主菜叫左个鸡肉青咖喱、马拉盏通菜同海鲜金边粉，青咖喱好香浓，马拉盏通菜就辣左少少，金边粉就不觉不失。最后，我地叫左一个芒果糯米饭，估唔到系心型都几靓，呢个甜品都几好食。