新昌發正宗潮州粉麵

营业中

休息中

依家好多人都中意去揾新餐厅食野，不过我就除左食新餐厅新菜式之外，都会成日去唔同的旧式餐厅食野，虽然食物未必话系咁精致，但味道方面的确系有种旧味道系无可取代。成日黎呢间新昌发食牛腩，唔好睇佢门面比较简陋就觉得佢无料到，其实好多野都系旧时味道。今日都系照旧黎一个牛腩饭，呢个牛腩一睇就系比较家常菜感觉，个汁清甜之中带有牛肉香味，虽然面头有层油系有少少唔健康，不过间中食一次无所谓啦。牛腩煮得非常入味，而且软身好易咬，捞埋白饭食就一流。最开心系个牛腩入面有跟菜，生菜吸左个牛腩汁精华非常好味，一定要食哂！