吉利日本美食 (已結業)

为庆祝外母生日及外父父亲节，谂住食日本野，所以订咗四位喺吉利，听闻食材新鲜。因为订咗枱，一入去就有位，但闻到好鱼腥味，跟著店员拿一块手写嘅餐牌介绍当天最新鲜食材，不断游说我地今日父亲节，叫半只蟹食，好抵，＄16xx，哗，好贵，我地梗系无叫啦。跟住我地自己望吓餐牌睇吓食乜，一件刺身或寿司＄70一件起步，仲要六件起跳，叫咗四件鳗鱼寿司，两件玉子寿司，两件鱼子寿司，一串唔记得边到黎嘅豚肉串烧，＄78串，叫咗2串，鸡软骨＄38串，叫咗2串，半个汁煮鱼头，唔知乜乜煮蚝，龙虾头汤饭。鳗鱼寿司：平平无奇玉子寿司：尚可鱼子寿司：正常豚肉串烧：淡到爆，无黎味道鸡软骨：淡味汁煮鱼头：咸，鞋肉煮蚝：鲜甜龙虾头汤饭：好难唔好味登登登凳，埋单诚惠＄1400。根本无食过野，之后走咗再去第二度食过。总结：实在太贵，唔系唔舍得花钱食，但绝对唔系水鱼任你㓥，咁嘅价钱，我飞去日本食都得！