影片
更多
2023-05-16
20 浏览
之前朋友介绍，话佢哋嚟过呢度食午餐，已经觉得好抵食，所以今日特登拣咗嚟食晚餐同朋友庆祝一下生日。今晚除咗嘢食超好食之外，都要特别多谢几位师傅，全部都幽默风趣增加咗今餐嘅趣味！至于食物方便，基本上全部都超水准地好食，所以讲解吓几款我觉得特别难忘㗎喇渍物有5款，我觉得最特别就系个凉瓜同个葛芋，葛芋其实就系我哋香港俗称沙葛，我第一次喺日式餐厅咁样食，不论口感同味道，我觉得都腌制得刚刚好。刺身类有鲛鲽，其实系深海嘅右口鱼，白身鱼嚟讲油份都好充足。日本北海道生蚝超级大只！切开一半都要分两啖先食到，好肥美，我特别钟意个橘子啫喱，更加提升生蚝嘅鲜味。烧左口鱼边身金枪鱼腩手卷都好出色，就算嘴巴细细要咬开两啖都冇问题，因为个鱼干脆好容易咬碎，脆脆嘅口感，加埋creamy嘅鱼生蓉个口感就有更丰富嘅层次感。铁板烧沙巴虎虾劲好食，本身虎虾已经够大只，啲虾膏加埋牛油一齐炒个酱汁，配埋爽脆嘅虾肉，简直系全餐我最钟意嘅一样嘢。香煎鹅肝伴蓝莓酱个精粹就系呢个蓝莓酱度，压碎咗蓝莓之后再煮到变jam！食到黑松露蟹肉炒饭已经超级饱，但系又真系劲多蟹肉，加埋黑松露，不知不觉又鲸吞左成碗！生日仲有特别待遇架（睇吓两碗有咩分别）
今晚除咗嘢食超好食之外，都要特别多谢几位师傅，全部都幽默风趣增加咗今餐嘅趣味！至于食物方便，基本上全部都超水准地好食，所以讲解吓几款我觉得特别难忘㗎喇
渍物有5款，我觉得最特别就系个凉瓜同个葛芋，葛芋其实就系我哋香港俗称沙葛，我第一次喺日式餐厅咁样食，不论口感同味道，我觉得都腌制得刚刚好。
刺身类有鲛鲽，其实系深海嘅右口鱼，白身鱼嚟讲油份都好充足。
日本北海道生蚝超级大只！切开一半都要分两啖先食到，好肥美，我特别钟意个橘子啫喱，更加提升生蚝嘅鲜味。
烧左口鱼边身金枪鱼腩手卷都好出色，就算嘴巴细细要咬开两啖都冇问题，因为个鱼干脆好容易咬碎，脆脆嘅口感，加埋creamy嘅鱼生蓉个口感就有更丰富嘅层次感。
铁板烧沙巴虎虾劲好食，本身虎虾已经够大只，啲虾膏加埋牛油一齐炒个酱汁，配埋爽脆嘅虾肉，简直系全餐我最钟意嘅一样嘢。
香煎鹅肝伴蓝莓酱个精粹就系呢个蓝莓酱度，压碎咗蓝莓之后再煮到变jam！
食到黑松露蟹肉炒饭已经超级饱，但系又真系劲多蟹肉，加埋黑松露，不知不觉又鲸吞左成碗！生日仲有特别待遇架（睇吓两碗有咩分别）
最好嘅鱼汤，我觉得同其他餐厅有好大分别，呢度个鱼汤好dense，食得出落咗好多料！另外仲食咗个木瓜蜜瓜，一开始师傅讲嘅时候仲以为自己听错，我系第一次食呢种水果，十分之清甜，好好食。
张贴
