道頓堀御好燒專門店 (朗豪坊) (已結業)

呢间餐厅开咗咁耐，终于去第一次去试 。以前去大阪食大阪烧，都觉得好好味，不过喺大阪食𠮶阵唔系自己烧嘅。今次可以自己烧，觉得好好玩，虽然过程都有少少论尽，因为佢大阪烧、广岛烧同文字烧嘅煮法都有少少唔同， 所以记性唔好嘅我，每次煮一个乜乜烧都要望一望个餐牌个instruction。 除咗乜乜烧之外，仲叫咗个芝士年糕，都几得意。佢上面有旧牛油，其实就系牛油烧芝士年糕，年糕入面有啲芝士咁啰。 广岛烧其实我就麻麻喇，因为有好大旧炒面 。都系大阪烧最好味，另外文字烧唔系好似大阪烧咁结成一个饼，系比较湿，有少少似台湾蚝煎嘅感觉， 应该系有啲木薯粉，有少少糊状， 都几好味。