影片
更多
2016-05-09
2726 浏览
行行下街肚饿,同老公好想饮茶食点心就行左黎呢到。好快就安排左坐低,天口热,呢到冷气充足而且啲服务好好。点左大寿包(呢到招牌黎$22一个),奶黄千层,香茜牛肉肠,炸鱿鱼须,芒果布甸,虾饺。奶黄千层超赞,每啖都有蛋黄碎唔会好甜,芒果布甸由细食到大果只味,对佢非常偏爱。虾饺老公钟意食,我食左一只,又几弹牙,个大寿包真系太甜,食左一半好漏。不过视觉满足见倒都开心。值得一赞今日撞正母亲节,人山人海。但楼面仍然细心,收碟同加茶加水都几快手。而且冇茶杯佢做完几张枱仲记得返转头即刻攞比我地。完全食得开心。价钱好抵。老公好似话2,3百蚊咋
好快就安排左坐低,天口热,呢到冷气充足而且啲服务好好。
点左大寿包(呢到招牌黎$22一个),奶黄千层,香茜牛肉肠,炸鱿鱼须,芒果布甸,虾饺。
奶黄千层超赞,每啖都有蛋黄碎唔会好甜,芒果布甸由细食到大果只味,对佢非常偏爱。虾饺老公钟意食,我食左一只,又几弹牙,个大寿包真系太甜,食左一半好漏。不过视觉满足见倒都开心。
值得一赞今日撞正母亲节,人山人海。但楼面仍然细心,收碟同加茶加水都几快手。而且冇茶杯佢做完几张枱仲记得返转头即刻攞比我地。完全食得开心。
价钱好抵。老公好似话2,3百蚊咋
张贴
