半島冰室

营业中

休息中

睇MM介绍常餐，睇到呢一间即叫即斩嘅叉烧面早餐，收工过炮台山试吓。一上枱就好惊喜，一睇就知啲叉烧即叫即切，冇预早切定𠮶啲风干嘅问题，食落去冧滑好味。个公仔面都煮得好好，爽滑弹牙⋯⋯赞！早餐另外一样例牌𩠌就系炒蛋，可惜呢间冰室嘅炒蛋系我食过嘅早餐常餐茶餐里面，数一数二冇蛋味嘅炒蛋，冇味到我要加盐，但系都只系多咗少少咸味，吊唔起鸡蛋味。而且佢最唔合格嘅地方系：佢啲蛋浆仲未完全搅匀，因为炒滑蛋嘅关系有少少半熟，就会出现𠮶啲好似鼻涕一样嘅蛋白，呢样系我接受唔到嘅。整体嚟讲，如果下次再去食我可能会食煎蛋，如果你钟意食叉烧嘅话，个叉烧面极推！！！而繁忙时间就要搭枱，出餐堪比澳牛咁快，所以就算排队都应该好快入到去。另外我发现呢间冰室，有好多食物配搭口味都比较特别，因为隔离坐咗啲熟客喺度讨论午餐个Menu，发现佢竟然有原只蒸蟹嘅腊味肉饼饭。仲有粟米肉粒配生炸脆鸡髀饭。⋯⋯等等，好鬼搞鬼，若果住喺附近又有兴趣真系可以试吓。