阿來泰式地道風味 (已結業)

早两日我个泰国朋友嚟香港玩，我当然要尽地主之谊，带他又买又食，亦会带朋友尝试各种不同 风味菜式，但始终他都会怀念家乡食物，我梗系唔会失礼朋友啦，昨晚我就带他到一间正宗泰式地道风味菜馆，等朋友好好怀念自家嘅家乡菜，坐下想点菜时，朋友反而会介绍我尝试泰国菜嘅精髓，以下都是朋友钦点的菜式。泰式臭草粉丝炒蛋 个名虽然话系臭草，但系泰式嘅 臭草零舍清香，粉丝爽滑弹牙，自家制酱汁将粉丝煮得非常入味，一梳梳，滑捋捋，配上炒蛋嫩滑非常，正宗泰国鸡蛋够香浓，大厨将一个看似简单的𩠌菜煮得非同凡响。泰式铁板蚝仔蛋 拣选每颗浑圆鲜甜蚝仔，鲜味无穷，用铁板器皿嚟烹调，味道确胜一筹，鸡蛋幼嫩够香浓，火路控制得又出色。烧猪颈肉整碟色泽金黄猪颈肉，烧得香喷喷，面层有脆口感，肉汁还保留得丰盛，肉味够浓甜，肥瘦层次均匀分明。朋友都话简单嘅菜式 就更会突显厨师功力，朋友都赞 呢间餐厅夸啦啦。