三英甜品屋 (已結業)

今日喺油麻地完成工作后，突然之间好像食件甜品再返屋企。好在油麻地都喺平民小食嘅天地，尤其去到庙街，食店一间接一间~行下行下就被我揾到一间甜品店，见到门口贴住嘅menu都几啱我口味，于是索性就入去坐低。可能时间尚早，里面空无一人。 于是我叫左件焦糖炖蛋。一端上黎就feel到有d热，证明真喺即叫即整喔！单纯卖相就已经好吸引，蛋黄色的炖蛋上有粒士多啤梨做装饰。挖了一羹，焦糖糖衣十分香脆，炖蛋又软又滑，又暖笠笠，可见火力啱啱好，炖蛋未至于出现凹凸表面，真正叫做外脆内软，甜而不腻，食完一整个都唔会觉得非常滞~推荐！