在蘭州

营业中

休息中

今日一个人去深水埗食晏就，一路都想试下兰州拉面，见openrice都有介绍西九龙中心8楼美食广场入面都有「兰州拉面」于是就去试下喇环境方面系食街嚟嘅，椅子系打斜坐，坐得十分之唔舒服。食店方面都系当外卖咁食，叫完之后就攞飞仔等攞餐。食物方面叫咗碗传统兰州牛肉面小辣，拉面系手拉嘅，咬落够弹下有麦香味，汤底方面用牛肉同萝卜淆出嚟，另外少少13香味道，配菜有葱，牛肉方面都有6-7块，肉味香浓，整体碗面好好食，另外仲叫咗支豆浆，包装好特别，系用透明袋装住嘅，然后用扭开个盖就就咁啜嚟饮，豆味香浓，似系鲜制豆浆。总括而言今餐食咗41蚊我觉得好抵食，推介畀钟意食兰州拉面嘅朋友试下。