蝦豬餅

营业中

休息中

久居英国嘅亲戚返黎香港, 佢提议周末嘅时候去大澳一游。衬住上个月某个星期六得闲, 一于入大澳玩同食!未入大澳前, 我地已经一早揾定有乜野系必食。除咗大澳鸡蛋仔之外, 虾猪饼系最多人提及同推介。卖虾猪饼嘅小铺喺吉庆街一带, 由于几多人慕名而来, 所以离远已经见到一条人龙, 亦因为咁以一眼认出呢间小铺。入大澳嘅当日正值天文台发出寒冷警告之时, 加上大澳靠海, 所以体感温度更加冻。有新鲜出炉嘅虾猪饼暖下胃, 确实一流。一边睇住一件件虾猪饼出炉, 一边闻住阵虾酱嘅香味, 会突然间肚饿。排咗大概15分钟嘅队, 终于买到25蚊嘅虾猪饼。虾猪饼同印度薄饼嘅油饼皮同生菜做外皮, 内馅就系一堆用虾酱炒香嘅猪肉碎, 所以无论闻同食都充满住虾酱香味, 再加上喺寒冷嘅天气食, 大大加分! 但食耐咗略略觉得有啲油, 而且猪肉碎太多, 所以进食嘅时候一唔小心就会食到有猪肉碎跌落地。虾猪饼虽然唔算平, 但我觉得物有所值。