凱富菜館 (已結業)

今晚带左屋企人来食潮州菜，店面唔算起眼，但系平日晚都好多人来食，好热闹。一坐低就上左4只虾做餐前小食，大大只，正。来食潮州野，梗系要试卤水鹅片（$132），好多片鹅，块块都好林，啲肥膏都好林好易入口；下面用豆腐垫底，好滑，啲卤水汁入晒味，正。呢晚最钟意嘅系蚝仔肉碎粥（$108），好大碗又热辣辣，入面落左好多蚝仔、方鱼肉醉、芫荽。啲蚝洗得好干净，无沙。 啲粥煲得好绵。我地4个人食一煲，都每人2-3碟。仲叫左碟 碧绿川椒鸡（$88），我最钟意食啲脆卜卜嘅叶。😂 川椒鸡好大旧，滑嘅，不过个人觉得偏咸，所以叫左碟白饭捞来食。菜我地叫左碟 沙嗲牛肉芥兰（$98），唔太辣，好多块牛肉，送白饭食就一流。甜品我地叫左碟 糖醋双面黄（$98），好钟意佢煎到一面脆，一面林。有啲人当佢主食，我就当甜品食嘅，加啲糖同醋一齐食其实好开胃。 呢度一大碟分左8份，正。最后仲食埋个潮式必叫嘅清心绿豆爽（$98）。同蚝仔粥一样咁大碗上菜，唔会话太甜太济，都推介大家食嘅！ 张相系分左一碗碗出来，啲绿豆爽好咬口，细路仔应该会好钟意食。结论系呢度嘅野食都即叫即整，热辣辣送上台，够镬气。 爸爸都话呢度煮得好正宗。 另