西貢松記車仔麵

营业中

休息中

今日，天气好好，因为肺炎嘅关系，好想去一去西贡行吓，可以避开啲人潮。因为行行吓嘅时候觉得好肚饿，所以就揾吓附近有乜好嘢食，因为突然之间好想食车仔面，所以就想试吓呢一间松记车仔面。叫咗两碗面，第一碗面系牛筋腩配牛肚，个辣汁同埋个腩汁都好好食，但系我略嫌个辣汁唔太辣，如果可以加多啲辣，咁就会更好味啦。至于个牛筋腩，脂肪比例都OK，但系我有一旧牛筋腩就太瘦，但整体来说都OK。而个牛肚，个卤味都好味好入味。另外，仲叫咗个车仔面，有猪大肠，冬菇，鱿鱼。个汤底都系有啲辣嘅辣汁，冬菇炆得好林，猪大肠清洁得好干净亦都好林，鱿鱼好爽口但系就冇乜好重嘅酱汁味，呢个就有啲略为逊色啦。最后因为个车仔面都有啲辣，所以可以叫个豆浆饮下。