K-Pop Cuisine

营业中

休息中

估唔到火炭入面会有间正宗嘅韩国菜！以前一直都对韩菜印象唔深，食完今餐令我改观！首先上菜前会有小菜开吓胃。泡菜系呢几年我突然间钟意食嘅食物，伴饭定就咁食都好清新。不过估唔到芽菜带住麻油香，一样好食。二人餐有饭卷Kimbap 同面食，仲有炸鸡同野饮，我地就拣原味Kimbap。非常大份同蔬菜份量好足料。入面仲有腌萝卜丰富口感。芝士蛋卷一啲都唔会overcook，每件都会拉丝，热辣辣香喷喷。拣左芝士味炸鸡，本来以为会好腻，但系比起咸，佢更多嘅系甜味，令到炸鸡更冇咁易腻，而且炸鸡好脆。炸酱面嘅炸酱唔系太浓，而且唔会有超多汁，个人觉得面同酱汁比例几好。上面仲有鹌鹑蛋。海鲜葱饼同想像中一样外面脆脆地，入面系满满嘅海鲜，如果觉得味道唔够，仲可以点辣酱油。但笔者冇咩点，因为觉得葱饼本身已经够晒海鲜嘅味道。不过真系好大份，所以打包左一部分。牛骨汤算系超classic嘅韩国菜，牛肉几冧，有落好多葱同黑椒，加上萝卜嘅汤好香，好适合汤饭。食到最尾仲有粉丝。除左食物质素唔错，老板仲系个超nice嘅韩国人，员工服务好细心，好值得赞赏。环境都干净阔落，几适合一班朋友一齐系度食饭。