龍皇酒家 (活@KCC) (已結業)

嚟到工业区揾到依间酒楼，点知有惊喜。叫左个3百几蚊既餐，一条斑一碟菜一碟豉油王炒面。估唔到咁普通嘅豉油王炒面可以炒到咁好食，果然食质素就系要食普通野，即系学食神话斋叉蛋饭先至试到真功夫，炒到干身唔多油有镬气。生菜都可以炒到好似玻璃咁靓，又系平凡中见真章。𠮶条斑就有少少怪，因为我哋自己白痴，误以为系清蒸，点知黎碗汤。估唔到又几好饮，酸菜味好重，条鱼好香口同埋啲肉质好鲜。所以我哋都觉得好满意。流沙奶黄包卖相好靓，食落不错。仲有碟蛋挞唔记得影相。总括来讲，有少少偏贵（5旧水）但系食物有质素，不错。