新記芝士麵 (已搬遷) 新店位置

同朋友晏D有野做，于是7点就去左佢公司附近食晚饭，佢系呢间芝士面ge忠实fans，上次陪佢嚟怕漏无叫到，今次终于可以试下。听佢讲呢间舖头平日夜晚通常都唔使等位，一眼望落去都系茶餐厅格局，卡位+长期都系播住无线ge电视，不过值得一提系侍应叔叔几好人，落单个时仲会同我地讲两句，好有亲切感 上菜（面）速度都算快，4个人ge野都同一时间送到，啱哂我地比较赶ge人。我同另外2位朋友都叫左芝士面，我个碗系司华力肠＋鸡翼，朋友叫左猪颈肉，另外有一位叫左猪扒肠仔，全部都好好吃 本来我冧住芝士一定好咸同漏，但系估唔到一D都无好滞ge感觉，虽然卖相一般但系口感一流！司华力肠都有煎过，食落几香口。另外2位朋友对佢地ge选择都好满意 仲有一位朋友叫左猪扒烟肉干捞面，佢话食得太多芝士面想试下新野；一上碟都闻到有少少辣味，朋友本身唔系好食得辣，所以要不停饮水（不过食得辣ge朋友话其实OK），佢本身系呢间舖头整ge猪扒ge忠实FANS，所以除左有D辣佢都食得好开心 每个人$42/44(猪扒/猪颈肉要加2蚊)，送一杯热饮，抵食！下次再嚟过～