漢堡佬 (已搬遷) 新店位置

喺天水围番工做嘢，少不免会成日去新北江广场揾野食。😈呢间burger一路都想试下，今次终于有机会食喇，虽然餐厅细细间，但个菜单有好多种口味既汉堡包选择，睇到我花多眼乱😍最后拣咗一个比较特别嘅汉堡，从来未食过既🍍🦐🍔菠萝脆虾汉堡，面包好香牛油味，个脆虾扒好大块，食落完全系满满嘅虾肉，炸粉好薄，口感系外脆内软，虾肉食落好新鲜弹牙，明显唔系急冻虾！菠萝，煎到酸酸甜甜，成个配搭感觉好新鲜，加上生菜蕃茄同酱汁，成个汉堡味道好丰富，虾食落更加鲜味。好食到想马上换衫，再买多个😂