肥哥車仔麵

营业中

休息中

今次系第2次食肥哥车仔面了! 因为其辣椒味道辣得过瘾外~味道仲唔差!!两次食既时间都系早餐黎!九时正到达肥哥门口~坐底拎纸划车仔面!罗白,猪皮,猪红同牛腩呢4样车仔面常见的食物!记得上次食中辣辣到我饮左两罐绿力先顶到...唔知系咪早上关系...食辣野好似唔多掂呢次唯有拣小辣吧! 约5分钟左右~ 碗面送到摆底!该待应就会收埋钱先!4𩠌1面28蚊,计埋绿力饮品合共35蚊!碗面睇落去小辣好似好少辣椒!其实呢D辣椒系肥哥自制...少少已经辣得好过瘾!汤都系肥哥煲出黎~有睇杂志都知系冇味精可言!罗白咬口够稔,猪皮软熟,猪红入味,唔会一夹即散反而牛腩就一般,牛腩汁未够令牛腩入味!河粉系我最爱细细条既河粉,食落都会加返多少少分!绿力罐装汽水就差少少,因为雪柜唔够冻~不过可以不理~食完之后谂住走人...发现只手有少少污浊...原因系张店太多尘...两次黎 两次都系咁....店员系咪连基本抹台既责任都唔需要呢?除左张台污浊外,坐位仲比较少,晏就学生放lunch肯定爆棚!!如果呢餐剩系讲食物质素我会比95分!其他环境因素计埋可能得80分!!到走既时候..辣椒既威力系终于发作...系身体内发热且不停打圈..