影片
更多
2023-04-05
62 浏览
今日屯门公路塞车，返到屯门已经8点，老公话唔好煮饭啦，所以两个人就去左市中心揾野食。我地都一段时间无食过台湾野，所以就拣左座落屯门市广场3楼的茶木。茶木的门口装修好靓，8点几都仲系坐满人，可能大家屯门人都塞车唔想煮，哈哈。点知转个湾仲要排队，咁多人食质素应该唔错。入面的座位好阔落，唔会因为多客而将d座位密度增加去做多d生意，👍座位d餐具同纸巾都摆放得好整齐，感觉好干净。而一杯杯的水就要食客就自己需要出去拎，够晒环保我好似大乡里咁返睇个menu，老公已经扫描左QR code点餐，哈哈，原来宜家都系自助的系统点餐，几多钱，点左咩都一目了然，唔使好似以前咁记住要叫d咩。其实menu都几精美，我都影左d相。老公就点左个招牌的台式牛肉面。黎到放上台已经留晒口水，d牛肉好大旧，而且份量唔惹少。d面好弹牙，好有咬口。个汤都好有牛味，似系煲左好耐的牛肉汤，一啖汤头一啖面，一啖牛肉，台式牛肉面的最高境界。D牛腩仲要煲到好淋，一咬就碎，老人家无牙都食到，真系低赞！至于我就点左碗肉燥饭，加个杂果甜酸肉。呢个等的时间相对比较长，前后差不多20mins，原来个甜酸肉系收到order即刻做ga。首先不得不赞系个饭
今日屯门公路塞车，返到屯门已经8点，老公话唔好煮饭啦，所以两个人就去左市中心揾野食。我地都一段时间无食过台湾野，所以就拣左座落屯门市广场3楼的茶木。
茶木的门口装修好靓，8点几都仲系坐满人，可能大家屯门人都塞车唔想煮，哈哈。点知转个湾仲要排队，咁多人食质素应该唔错。
入面的座位好阔落，唔会因为多客而将d座位密度增加去做多d生意，👍
座位d餐具同纸巾都摆放得好整齐，感觉好干净。而一杯杯的水就要食客就自己需要出去拎，够晒环保我好似大乡里咁返睇个menu，老公已经扫描左QR code点餐，哈哈，原来宜家都系自助的系统点餐，几多钱，点左咩都一目了然，唔使好似以前咁记住要叫d咩。
其实menu都几精美，我都影左d相。老公就点左个招牌的台式牛肉面。黎到放上台已经留晒口水，d牛肉好大旧，而且份量唔惹少。d面好弹牙，好有咬口。个汤都好有牛味，似系煲左好耐的牛肉汤，一啖汤头一啖面，一啖牛肉，台式牛肉面的最高境界。D牛腩仲要煲到好淋，一咬就碎，老人家无牙都食到，真系低赞！
至于我就点左碗肉燥饭，加个杂果甜酸肉。呢个等的时间相对比较长，前后差不多20mins，原来个甜酸肉系收到order即刻做ga。首先不得不赞系个饭粒粒分明，而且真系有饭香，坊间的一般茶餐厅完全无得比。
之后系个甜酸肉，咬落去系脆口，热辣辣，仲要旧旧有肉汁，真系无得弹！
下次再去我应该都系继续食呢个，哈哈哈。
最后再叫多左个茶木最出色的窝夫甜品两个人share，窝夫好脆，而且唔会好甜，配上上面的鲜果同埋个士多啤梨味的雪糕，窝夫的热脆加上雪糕的冰凉软绵绵，再一次冲击我的味蕾，抵赞！
如果你想食台式料理，茶木确实系一个性价比极高的选择！
张贴
