香港大學校友會

营业中

休息中

今日我地3 个女子第一次来呢度食lunch，之前听人讲过呢度好旺，要预先book位，我地好「文」才打去book，好彩有台。杏汁猪肺汤：既然老板极力推荐就试下啦，猪肺汤整到白雪雪，睇落以为系杏仁糊，猪肺亦好林，好味，豉油鸡：啖啖肉，虽然肥腻d，都食到停唔到口；土鱿蒸肉饼：肉碎「啄」得松软，料又多，正！菜远炒鱼片：鱼片大大块，又新鲜又好味，炒埋d菜心加红萝卜，色泽悦目又好食；花生糊：都几香滑，又不会太甜，好味；杏仁糊：加入蛋白，香滑浓郁，好味道明明已经饱到飞起，都要食哂为止！整体非常满意，招呼亦非常殷勤。睇个餐牌都几贵，不过今餐食左几多钱就唔知，因为有人请（嘻嘻），但估计每人都起码要百多元。