三星台菜食堂 (The L. Square) (已結業)

朋友介绍我来食，所以衬今日收工同女朋友来试一试。原本无抱希望，因为香港D台湾野食店都唔系太好食，但今次真系好唔错。我地试左个冻豆腐、盐酥鸡、牛肉面同鲁肉饭，冻豆腐同盐酥鸡都唔错，系有台湾风味既，听佢地讲普通话，应该系台湾人煮。个牛肉都够林，面底都几好食，有口感，不过我想讲最正都系个汤底！我女朋友食完D面我都忍唔住饮晒成个汤，望落似好浓咁，但饮落去好甘甜好有肉味，而且饮完成碗汤到埋单走都唔觉得囗渴，我估应该系无乜落味精煮。我自己就食左个鲁肉饭，又系有惊喜，因为D鲁肉好香，同埋食到入面D肉粒，份量唔算大所以忍唔住食多个。唯一缺点系太少位，我估大约30个位左右，晚饭时间一上去就排晒好多人，等左成30分钟先有位，又唔好意思慢慢叹，拿拿声食完就走。下次来要唔好拣繁忙时间，又或者希望佢地快D开分店揾个D大既地方啦！