影片
更多
2022-07-27
105 浏览
餐厅试食九龙城📍九龙城同捞同煲火锅唔知大家有冇觉得最近好多关于食嘅嘢，叫「同捞同煲」「同煲同捞」之类嘅名，搞到我成日以为有关系😂原来系无嘅，呢间系铜锣湾都有分店，九龙城系总店，就等我试试佢。👉胡椒猪肚少爷鸡汤 $238一直都好钟意饮胡椒猪肚嘅我，虽然系夏天，但系都要试试佢😂佢个鸡系另上嘅，份量系半只。另上嘅砂煲仔细细，落入炉嘅时候先觉得都几多。值得一提嘅系佢用少爷鸡，系无激素架！鸡另上嘅好处系可以自己睇火，唔惊d鸡overcook鞋晒咁。煲滚之后大家记得一定要装碗未烚过食物嘅汤饮下先，我觉得好好饮，好有胡椒味，不过我觉得咸菜可以多d或者大件d，但系味道系好足够嘅，好好饮，我饮咗2碗，饮完唔会口渴嘅（我用会唔会口渴黎定义味精嘅多少😂）👉黄金炸鱼皮 $98打边炉又点可以无炸鱼皮呢，本身谂左好耐要shake shake麻辣好定呢个好，最尾都系拣左黄金。鱼皮好大条同埋好厚，系新鲜炸嘅，好多咸蛋黄🤤如果就咁食可能会略嫌粉浆多左少少，但系点汤反而会更索汤。👉蜂巢豆腐 $28呢个超抵食！$28有6大件。饮完汤之后我就即刻落晒豆腐落去煮耐d，索晒汤好好味！推介钟意索汤食物嘅大家一定要叫呢个！👉鸭血 $
九龙城📍九龙城同捞同煲火锅
唔知大家有冇觉得最近好多关于食嘅嘢，叫「同捞同煲」「同煲同捞」之类嘅名，搞到我成日以为有关系😂原来系无嘅，呢间系铜锣湾都有分店，九龙城系总店，就等我试试佢。
👉胡椒猪肚少爷鸡汤 $238
一直都好钟意饮胡椒猪肚嘅我，虽然系夏天，但系都要试试佢😂
佢个鸡系另上嘅，份量系半只。另上嘅砂煲仔细细，落入炉嘅时候先觉得都几多。值得一提嘅系佢用少爷鸡，系无激素架！鸡另上嘅好处系可以自己睇火，唔惊d鸡overcook鞋晒咁。
煲滚之后大家记得一定要装碗未烚过食物嘅汤饮下先，我觉得好好饮，好有胡椒味，不过我觉得咸菜可以多d或者大件d，但系味道系好足够嘅，好好饮，我饮咗2碗，饮完唔会口渴嘅（我用会唔会口渴黎定义味精嘅多少😂）
👉黄金炸鱼皮 $98
打边炉又点可以无炸鱼皮呢，本身谂左好耐要shake shake麻辣好定呢个好，最尾都系拣左黄金。鱼皮好大条同埋好厚，系新鲜炸嘅，好多咸蛋黄🤤如果就咁食可能会略嫌粉浆多左少少，但系点汤反而会更索汤。
👉蜂巢豆腐 $28
呢个超抵食！$28有6大件。饮完汤之后我就即刻落晒豆腐落去煮耐d，索晒汤好好味！推介钟意索汤食物嘅大家一定要叫呢个！
👉鸭血 $58
如果钟意食鸭血都推介大家叫呢个，因为佢唔系猪红质地果d鸭血，佢系烟韧嘅，同埋建议大家都系要早落，滚耐d入味d，鸭血除咗质地紧要之外，入味都好紧要，呢个汤都衬到鸭血嘅，因为都有胡椒嘅辣味，如果系麻辣汤就一流啦！
👉安格斯牛肉（大）$268
呢个都好食，有牛味，仲有牛嘅油脂，烚完之后仲有油脂系肉面挂住。虽然唔会系入口即溶咁夸，但系都好软好淋，好食！价钱方面同同类型嘅边炉店相比系一般正常价钱咁。份量如果系3-4个女仔share都足够。
👉鸳鸯蚌 $148
即系珊瑚蚌同桂花蚌。我本身好钟意食珊瑚蚌，打亲边炉都会叫，我觉得呢个系正常质素😂无乜特别，钟意食嘅可以叫下。
👉肥美鹅肠 $88
如其名，真系几肥美😂大家记得唔好烚得太耐，如果唔系会无晒d肥。份量方面都ok，正常价钱。
👉美国桶蚝 $188
食开美国蚝嘅对蚝size应该都心里有数，我呢次呢桶有5只，所以都几大只，不过size唔系太平均有啲好大，有啲好细，烚完有啲细😂不过都明桶蚝系咁。都一样，平时打边炉叫开嘅，所以都会叫。
🌟总括然而，汤好饮，我系一个钟意饮汤嘅人，所以个人钟意呢类真材实料汤底嘅边炉多过任食火锅。当然食物质素同价钱都唔会可以同任食火锅比。如果想好抵食，食得好饱，对食物要求唔高嘅会建议去任食火锅，如果唔系大食人士，想食好少少嘅会推介呢类型嘅火锅。呢间系港式嘅汤，但系食材有蜂巢豆腐同鸭血拣，又有啲台式咁都几好。
🍧🍧🍧🍧🍧🍧🍧🍧🍧🍧🍧🍧🍧
即刻follow埋IG睇更加美食分享啦🌟🌟🌟
👉iamfoodienana
胡椒猪肚少爷鸡
$238
15 浏览
0 赞好
0 留言
鸳鸯蚌
$148
5 浏览
0 赞好
0 留言
肥美鹅肠
$88
4 浏览
0 赞好
0 留言
蜂巢豆腐
$28
8 浏览
0 赞好
0 留言
美国桶蚝
$188
5 浏览
0 赞好
0 留言
黄金炸鱼皮
$98
12 浏览
0 赞好
0 留言
张贴
