星月樓

营业中

休息中

日期：9月21日人数：5人话说一直都系去开上环𠮶间星月楼。屋企人平日几乎每朝都去饮茶。由于就喺地铁站出口附近，加上点心唔错，一直都系佢嘅首选。今次系因为相约住喺长沙湾嘅亲戚食晚饭，所以为咗迁就佢哋，就拣咗嚟长沙湾依间星月楼食。屋企人之前以优惠价钱买咗乳猪券，今餐亦有使用。五个人好夸张咁样用咗两张乳猪券，另外点左杏汁菜胆猪肺汤，一条清蒸大沙巴龙趸，同埋一碟鲜淮山浸菜苗。重点真系猪肺汤，好好饮好疗愈，实属必点。煲汤嘅猪肺捞出嚟之后，点少少豉油就已经好好食。屋企人食埋鸡脚同埋菜胆。我哋上年都有去星月楼食饭，亦都有点乳猪，我哋一致觉得今年嘅乳猪比较瘦，但皮脆肉多，亦都烧得好食。最后大家都只系食剩几旧，连埋两个猪头一齐打包。沙巴龙趸新鲜，味道都几好，稍为有啲过熟，但蒸鱼本身就已经好好食，豉油汁好𩠌得饭，俾多啲葱就更加好。淮山同菜苗比较林，适合老人家。环境方面，整体感觉同其他酒楼差唔多，装咗好多电视机。地方比较大，可以摆唔同宴会，亦有几个包房，房入面好似有卡拉OK。服务不过不失，当晚冇糖水送。价钱都系一般酒楼晚饭价，唔算贵。