語菓 (淘大商場) (已結業)

上次试咗佢哋嘅包种绿茶，非常甘香非常浓，所以今日试吓佢哋signature嘅「梨园吹凤曲」。系自制凤梨酱加包种绿茶同埋奶盖，当店员准备嘅时候，凤梨酱嘅香味四溢，再加埋包种绿茶香，已经预期佢会好好饮。攞到手上，呷一啖，三种材料嘅味道非常之夹。佢嘅奶盖比较轻盈，比较泡沫，唔似得一般出边嘅奶盖咁厚，但我发现，呢层轻轻嘅奶盖嘅奶香已经足够，唔似好似第二间咁Heavy。一如所料，甜甜嘅凤梨酱同埋甘香嘅包中绿茶非常匹配，凤梨将中和左绿茶嘅苦涩，非常好饮，唯一美中不足嘅系有啲太甜。不过我本人系唔太钟意饮太甜嘅，可能一般人可以接受。等饮品嘅时候，仲可以玩抽签，都几得意架。附近好多连锁式嘅台湾饮品店，想帮衬下非连锁嘅小店就揾呢间啦！