Factory 99

营业中

休息中

今日好姐妹有得收早，大家刚刚又去完旅行，想交换礼物和倾吓计，好耐冇食Factory 99，所以上咗去食。见到佢晚餐有牛扒，我哋两个都叫咗牛扒餐，牛扒有9安士都几大块，我叫咗7成熟，好姐妹叫咗5成熟，块牛扒虽然大块但好薄，叫咗7成熟，但我觉得熟过头，有啲韧，同埋啲脂肪好多，配菜系薯条，都好粗身和脆，仲有个茄子都几好食。餐汤系薯蓉汤有几点面包干，好好饮，个餐包热热地好松软，好好味。餐饮我叫咗冻柠檬茶，茶底好香，都好好饮。牛扒晚餐$179，唔洗加一，都算抵食，但可惜块牛扒over cook又韧咗啲，真系有啲失望。环境好舒服，平日都唔算多人，点咗蜡烛都几浪漫。