好媽媽台灣館 (已結業)

系竟然可以揾到一间咁高质素嘅台湾嘢食，平时食开都系街店好多人排队，今次上咗呢一间好妈妈台湾馆食，里面都几多人。我哋都好钟意食嘅台湾菜，睇吓质素系咪都系咁好食。台式炒米粉，佢米粉炒得几干爽下，唔会好黏笠一大劈，另外会有少少肉操嘅正汁入边有啲肉碎，口感夹埋几好食而且用咗葱，萝卜，芽菜所以都好香。培根炒高丽菜好有台湾嘅味道，高丽菜爽甜新鲜。卤水拼盘，入面有猪大肠豆腐鸡翼，正正常常嘅卤水拼盘卤水汁都几入味，豆腐比起出边嘅清新，佢冇好多嘅腌制过，所以将卤水汁同埋豆腐配埋食嘅时候仲会有豆腐嘅口感同味道。荫瓜凤梨苦瓜鸡汤，碗汤好特别系香港都比较少饮应该系台湾独特嘅汤，味道青青甜甜，食得出冇落味精。另外出边好少食到嘅麻油鸡，咩都同我地喺台湾食嘅一样有姜同埋会有麻油同埋酒味。做得非常出色好补身啊！另外叫咗百香果红茶同埋焦糖咖啡味道都正常甜度适中。台湾嘢食近呢便嘅话都可以拣呢一间系太子嘅好妈妈台湾馆。