影片
更多
2021-03-10
139 浏览
晚市堂食开返，终于有机会约朋友晚饭聚会。由于我哋都钟意食泰菜，朋友喺铜锣湾返工，就带咗我去食一间楼上泰国餐厅「SAYAM Thai/Bar」，网上订枱仲有折扣优惠添😉。餐厅门口有啲似做Spa嘅地方😂，不过入到去当然唔系，环境几唔错，灯光偏昏暗，行酒吧格调🍸。另一边厢，我觉得窗户嘅形状好靓，带比人一种欧洲小屋嘅感觉。呢度嘅泰菜选择丰富，汤、沙律、小食、串烧、拼盘、咖哩、海鲜、肉类、蔬菜以至饭面等，一应俱全，样样都想食，好难拣啊🙈。餐厅嘅定价偏贵，属中高档次，不过胜在唔收加一服务费。秘制泰式海鲜意粉($128)，🍝意粉份量好澎湃，非常大碟。其实呢碟嘅造型几似港式茶记嘅炒意，但食落几有惊喜，因为意粉渗透住好香嘅香茅同金不换味，而且面质亦好有咬口😋。同时，意粉配以大量𩠌料，例如有虾、鱿鱼、蚬、豆角、粟米笋同萝卜等。个人认为佢算系一道几成功嘅Fusion菜。马拉盏炒通菜($88)，时菜方面餐厅有四至五种选择，识食一定食通菜🌱。店员强烈推介用马拉盏炒，同我谂法一样，因为佢绝对系惹味之选。炒通菜整得相当好食，菜苗够嫩，但咬落爽口，味道浓而不咸，最紧要系热辣辣炒起。黑毛猪颈肉($128)，店员同我讲比
晚市堂食开返，终于有机会约朋友晚饭聚会。由于我哋都钟意食泰菜，朋友喺铜锣湾返工，就带咗我去食一间楼上泰国餐厅「SAYAM Thai/Bar」，网上订枱仲有折扣优惠添😉。
餐厅门口有啲似做Spa嘅地方😂，不过入到去当然唔系，环境几唔错，灯光偏昏暗，行酒吧格调🍸。另一边厢，我觉得窗户嘅形状好靓，带比人一种欧洲小屋嘅感觉。
呢度嘅泰菜选择丰富，汤、沙律、小食、串烧、拼盘、咖哩、海鲜、肉类、蔬菜以至饭面等，一应俱全，样样都想食，好难拣啊🙈。餐厅嘅定价偏贵，属中高档次，不过胜在唔收加一服务费。
秘制泰式海鲜意粉($128)，🍝意粉份量好澎湃，非常大碟。其实呢碟嘅造型几似港式茶记嘅炒意，但食落几有惊喜，因为意粉渗透住好香嘅香茅同金不换味，而且面质亦好有咬口😋。同时，意粉配以大量𩠌料，例如有虾、鱿鱼、蚬、豆角、粟米笋同萝卜等。个人认为佢算系一道几成功嘅Fusion菜。
马拉盏炒通菜
$88
0 浏览
0 赞好
0 留言
黑毛猪颈肉($128)，店员同我讲比我𠮶碟猪颈肉大碟过隔离枱㖞，哈哈。🐷猪颈肉确系每片都大大片，厚薄适中。烹调方式未必系用上烧烤，所以油香一般，但就唔肥腻。伴旁嘅汁几独特，有别于一般嘅甜辣酱，感觉有啲豆豉味？
牛肉串烧($94/两串)，🍢串烧卖呢个价钱有啲贵，不过出品都OK。一串有三件牛柳，肉质同肉味几好，而讲到最吸引我嘅系个沙嗲汁🤤。呢度嘅沙嗲一啲都唔辣，仲甜甜哋，几香椰味同花生味，大啖沾满汁食令我好满足。
炸虾混墨鱼饼
$94
0 浏览
0 赞好
0 留言
新鲜椰青($48)，我同朋友Share一个饮🥥，店员好细心比两枝饮管我哋，话Very Romantic...。
总括嚟讲，呢餐晚饭食得好开心😃，店员同客人嘅互动系值得加分嘅地方。想食泰菜加坐得舒服啲，可以考虑嚟SAYAM🇹🇭，记得订定枱啊！
张贴
