Popcorn Brother (已結業)

今日上个朋友屋企去食饭，咁就念住去又新街果间卤味斩料加𩠌啦，成功泊左间车后，女朋友就去排队啦，而我就周围行下啦！行行下，哗！点解会咁香呀！果阵味好熟悉，但系又噏唔出系d咩黎，于是就行过去望下究竟系d咩黎，过到去发觉原来系一间专卖爆谷嘅小店，望入去就装备齐全，门口有两部爆谷机，而且材料都好齐全，更加有d百利酒，于是我就盒40蚊1L容量试下啦，店员重同我讲话下次攞返个盒黎可以减十蚊wor! 但系由于差不多食饭啦，唔敢食零食，于是就放左系架车度先，夜晚先食。咁返到去啦，夜晚无野做，就开黎试下啦！个盒都几难开下！，一食，好好味喔！粒粒爆谷都好香口呀！而且份量都非常十足，绝无呃秤，焦糖味非常香，而且送酒系一流呀！粒粒都卜卜脆，绝对好过超市果d等级，下次我一定会带埋个盒试下佢个百利酒味，支持小店！